حلا شيحة ترتدي الحجاب مرة أخري وتحذف صورها علي السوشيال ميديا
نشرت الفنانة حلا شيحة، صورا جديدة لها، من خلال صفحتها علي موقع التواصل الاجتماعي "انستجرام" وهي ترتدي الحجاب.
وعلقت حلا عليها قائلة: “كل واحدة فينا جواها اكيد صوت بيتكلم معاها او هي دايماً بتسمعه او بيفضل دايماً معاها انا الصوت ده بسمعه دايماً بيقولي انتي ممكن تبقي احسن في كل حاجة”.
وقامت حلا بحذف كل صورها علي مواقع التواصل الاجتماعي التي لا ترتدي فيها الحجاب، وذلك بعد العديد من الشائعات التي لاحقتها.
ومن بين الشائعات التي واجهتها هي شائعة انفصالها عن الداعية الإسلامي معز مسعود، لكن خرجت الفنانة لترد على تلك الشائعات، فقالت: “لكل المتابعين و المحبين علي صفحتي و في الوطن العربي حابة اقولكم مفيش اي خبر اتكتب عن معز و عني يخص الطلاق صحيح و كلامي في البوست اللي فات كان كلام عام و لم اقصد بيه حد معين ابدا، و معز بعيد عن الكلام ده تماماً بالعكس هو سبب كبيرلحاجات جميلة في حياتي و حياة اولادي و مشفتش كتير زي اخلاقه و احترامه و عيب الكلام اللي بيتقال عن صفحات السوشيل ميديا كله مش صح ابدا.
وتابعت: والله في مشاكل اكبر بكتير و حاجات اهم بكتير ممكن نتكلم فيها.. و انا علي صفحتي بحب اشارك جمهوري ساعات بمعاني بحسها و بحسهم زيي و بحب اتواصل معاهم و ابقي موجودة معاهم مش اكتر من كدة.
ولاحق حلا شيحة عدد من شائعات خلع الحجاب، وذلك بسبب صور لابنتها وأشقائها شببها الجمهور بها، ولكن كانت دائما حلا شيحة تلتزم الصمت بشأن تلك الشائعات، وبعد نفاذ صبرها قرر ان تحسم الجدل، وكتبت عبر حسابها الرسمي بموقع تبادل الصور والفيديوهات انستجرام: بالنسبة لحجابي انا قلت بحاول زيي زي بنات كتييير و اكيد مش احسن حاجة بس انا كدة دلوقتي و الحمد لله و انا مش شيخة انا انسانة عادية جداً ليا حسناتي و ليا سيئاتي و البشر كلهم كدة فبلاش حد يزايد علي حد و بدل ما نتريق او نقول كلام مش مهم نكون متصالحين مع نفسنا و نبطل نحكم علي بعض احنا بشر مش ملايكة.
للمزيد: موقع خليجيون نيوز، للتواصل الاجتماعي تابعنا على خليجيون
