عمر كمال يرفض الظهور على الشاشة فى رمضان
كشف مطرب المهرجانات عمر كمال أنه لا يحب الظهور في البرامج التليفزيونية التي تعرض في شهر رمضان، نظرًا لطبيعة تلك الحوارت التي تتسبب في مشكلات للضيوف.
وقال عمر في تدوينة عبر صفحته الرسمية بموقع التواصل الاجتماعي فيس بوك:" لأي برنامج حواري بيطلبني في رمضان دي حاجة تشرفني وغالبا بكون بحترم جدا المقدم بتاع البرنامج وفوق راسي، لكن الحقيقة اني معنديش حاجة جديدة اتكلم فيها يبقى مش لازم اظهر في برنامج اخبط في فلان غصب عنى عشان أعمل تريند".
برامج رمضان
وتابع قائلًا: "أو حد يجيبلي صورة علانة ويخرجني برة شعوري ونجيب سيرة الناس وبنات الناس، مش لازم اكون موجود فى رمضان بأي حاجة وخلاص".
كما أضاف: "لو مليش وجود فنى واعمال جديدة يبقى مش لازم اكون موجود، فيه ١١ شهر في السنة ممكن اكون موجود فيهم بأي شكل انا عاوزه، لكن البرامج اللى من النوعية ديه بطلع منها خسران مش كسبان مع كامل احترامي لكل البرامج ديه والقائمين عليها".
