ميار الببلاوي تتراجع: وفاء مكي مذنبة في تعذيب الخادمتين

تراجعت الفنانة ميار الببلاوي عن تصريحاتها الأخيرة، التي أشارت فيها لبراءة الفنانة وفاء مكي، في قضية تعذيب الخادمتين، حيث أكدت ميار أن وفاء مكي كاذبة، وأنها من عذبت الخادمتين، متعجبة من دفاع الأخيرة عن نفسها حول براءتها.

وكتبت ميار الببلاوي منشورًا، عبر حسابها الشخصي بموقع التواصل الاجتماعي فيس بوك، قالت فيه: اللهم لك الحمد ربنا ظهر الحقيقة من شاهد عيان، وكده أنا كنت بأنب ضميري على الفاضي، سؤال إيه اللى بتعمليه ده يا وفاء، أنا قلت إن في موقف حصل لكن كده أتحسمت كفاية بقى، ملقتيش حد تدوسى عليه غيري وتمثلي البراءة، أوعلشان أنا مش بتاجر بالموضوع ورافضة أتهم بأني بجري ورا تريند، وأفضل ألف معاكم على القنوات والمواقع بالشكل المستفز دا.

وتابعت ميار الببلاوي: أنا قلت شكوكي وموقف حصل، الحمد لله إنه كان ولا هيقدم ولا يأخر سؤال فين دليل براءتك دا؟، أنا قلت للناس إنه حصل كذا فقط، واللي حصل دا ملوش أي قيمة خالص بعد شهادة الشاهد دا، وبعد مقريت التحقيقات والتقارير قد إيه أنا كنت هبلة.

وأضافت ميار الببلاوي: في كل مكان تكذبي وأنتِ عارفة إنك مش مظلومة، وأنا الحمد لله أتاكدت إنك مذنبة، والحكم عين الحقيقة كده لما جولى مكنوش جايين من عندها، وكده المخدمتيه كذابة، شاهد العيان ده ريح قلبي، اخرسي بقى حسبى الله ونعم الوكيل فيكي، لا وليكي عين تكذبي وتقولي إنك بريئة، وقال كمان مش مسمحاني أخس.

وكان هاشتاج "وفاء مكي" تصدر تريند مصر على موقع التواصل الاجتماعي "تويتر"، بعد تصريحات ميار الببلاوي الأخيرة والتي حملت دليل براءتها في قضية تعذيبها خادمتين التي مر عليها 22 عامًا، حيث عبر نشطاء مواقع التواصل الاجتماعي عن صدمتهم الشديدة من تلك التصريحات.

فيما انهارت الفنانة وفاء مكي، من البكاء، على الهواء، بعد تصريحات ميار الببلاوي الأخيرة والتي حملت دليل براءتها في قضية تعذيبها خادمتين التي مر عليها 22 عامًا.

وقالت وفاء مكي خلال لقائها ببرنامج "الترابيزة" الذي تقدمه الإعلامية أميرة بدر بقناة "هي": "كنت بتنامي إزاي وبتاكلي وتشربي إزاي وأنتِ ظالماني يا ميار الببلاوي، ومعاكِ دليل براءتي وكتمتِ الشهادة".

وأضافت وفاء مكي باكية: "كنت بقول لها أنتي معاكِ دليل براءتي تعالي وقولي كلمة حق، كنت بنادي لك يا ميار وأقول لها تعالي أبوس إيدك تعالي قولي كلمة حق واشهدي واتقي الله وقالت أنا ما كنتش موجودة ولما رجعتِ بعد 6 شهور وعرفتِ إني أخدت 10 سنين سجن ليه ما رُحتيش للنقابة وساعدتيني وبرَّأتيني وساعدتيني أخرج من السجن، على الأقل علشان ضميرك يبقى مرتاح ولحد امبارح طلعت عينيَّ علشان تنطق بالحق".

وتابعت: "أقسم بالله العظيم ما أعرفش إن حد هدد ميار الببلاوي حال شهدت في قضيتي وقالت كلمة الحق، بس لو حد هدِّدها تبرأ ذمتها من الله علشان ترتاحي وفي الآخرة هتقابل ربنا إزاي؟ هتواجهي ربنا إزاي؟ اللي بيكتم الحق دا شيطان أخرس".

وأضافت: "ما عنديش حاجة أقولها غير الحمد لله على السراء والضراء، ميار الببلاوي كان فرح ابنها يوم الإثنين اللي فات وسيد شعراوي ضغط عليَّ وقال لي تعالي نروح لها يمكن تطلع تقول شهادة الحق وهي ما كانتش عايزة تطلع تتكلم وتقول شهادة الحق، وبقينا ماشيين ورا اللي تقول عليه نقول عليه ماشي بحيث إنها تطلع تتكلم وتقول كلمة الحق وبقول لها ما صعبتش عليكِ وأنا محبوسة ظلم؟

للمزيد: موقع خليجيون نيوز، للتواصل الاجتماعي تابعنا على خليجيون

للمزيد تابع خليجيون نيوز على: فيسبوك | إكس | يوتيوب | إنستغرام | تيك توك