ياسمين عبد العزيز ترند مصر.. لماذا بكت مع «صاحبة السعادة»؟

في أول ظهور لها بعد انفصالها عن زوجها الفنان المصري أحمد العوضي، تحدثت النجمة ياسمين عبد العزيز، عن تفاصيل الطلاق وإعلان هذا الخبر المفاجئ للمتابعين لأول مرة، وأثار بكائها على الهواء تعاطف المصريين.

ياسمين عبد العزيز مازالت تحب طليقها العوضي

حلت ياسمين عبد العزيز ضيفة في إحدى حلقات برنامج صاحبة السعادة مع الإعلامية المصرية إسعاد يونس، وكشفت عن الكثير من الأسرار الاتي شغلت بال الجماهير على مدار شهور بعد إعلان انفصالها عن زوجها أحمد العوضي.

وفجرت ياسمين عبد العزيز خلال هذه الحلقة عن مجموعة من المفاجات التي تتحدث فيها لأول مرة، وكانت أبرزها هو أنها لا تحب أحمد العوضي فقد بل قالت أنها مازالت تعشه، وبكت خلال الحلقة عند ذكر تفاصيل الطلاق وأظهرت مشاعر الحب له على الهواء.

وبمجرد الحديث عن طليقها الفنان أحمد العوضي، لم تتمالك ياسمين نفسها وانهارت من البكاء متأثرة بالحديث عنه وعن انفصالها.

تفاصيل انفصال ياسمين عبد العزيز والعوضي

وقالت ياسمين: «أنا مش بحب أحمد أنا بعشقه، أنا بقيت رقيقة أوي، مكنتش كده والله، انتي جايباني عشان أعيط أصلك عمالة تضغطي على حاجات بتوجعني، وجايبة لي حاجات كلها بتوجع».

واستكملت: «لما حبيت أحمد اكتشفت أن أنا مكنتش بحب قبل كده، إن الحب اللي قبل كده ده أنا محبتش، أن أحمد أول حب في حياتي، وكنت فاكرة أن قبل كده ده حب، لا مكانش حب لأ هو الحب الحقيقي أحمد، وأنا عن نفسي عملت استخارة وروحت عملت عمرة ودعيت ربنا اللي رايده هيكون، وأنا ربنا عايز يمشيني في السكة دي أنا راضية واللي هو عايزه يكون، وحتى لو كان عايز يدخلني في سكة مش على رغبتي لأ هو اللي شايف مش ممكن يكون ده خير».

وأضافت: «وأنا عارفة أن أحمد بيحبني على فكرة، وهو عارف إني بحبه، وبعيدًا أن فيه سبب من الأسباب مينفعش نتكلم فيه ومش خيانة، عشان في ناس مؤذية كتير، ده في ناس مورهمش حاجة غير أنهم يؤذوني بس بقالهم سنين، وأنا مش هينفع أتكلم في تفاصيل، والجمهور الناس الحقيقية اللي بتحبنا هي حبانا مع بعض، وفيه بقى الناس الشريرة اللي بتسخن وفيه ناس قلبها أسود ميقدروش يشوفوا اتنين بيحبوا بعض عشان هما ميعرفوش يعني أيه حب، جواهم كره محبوش فميعرفوش يعني ايه حب».

وتابعت: «لما قعدوا يقولوا انتوا في السحور شوفتوا بعض وكل ده متركب احنا ماشوفناش بعض في السحور، الفيديوهات اللي بتتعمل دي كل ده تركيب، هو كان موجود في وقت وأنا كنت موجودة في وقت احنا ماشوفناش بعض أساسًا، وبتفرج على الفيديوهات دي بقول هو أنا عملت كده يا جماعة إرحمونا بجد، وفي ناس كتيرة مصدقة إن إحنا شوفنا بعض».

ياسمين تجاوب على احتمالية الرجوع للعوضي

وفيما يخص سؤالها حول الرجوع إلى العوضي أجابت ياسمين أنها الامر متروك للأيام فهي في هذا الوقت لا تعلم أي شيء فالله هو من يختار لها ما يريد، أما عن أسباب الانفصال فياسمين لم تتحدث عن أسبابه ولكنها أكدت أن الأمر ليس له علاقة بالخيانة.

وقالت أن هناك أشخاص مؤذين، لا يريدون لها سوي الأذى فقط، وفضلت إلا تتحدث عن مزيد من التفاصيل عن هؤلاء الأشخاص أو علاقتهم بانفصالها عن العوضي.

وقالت معبرة: «أنا طول الوقت بهرب افتح الفيسبوك الاقيني انا وهو حاضنين بعض، افتح تيك توك الاقيهم عاملين لينا فيديوهات، يا جماعة ارحموني الحاجات دي بتوجع على فكرة، وبتبتدي تفكري في اللي فات والحاجات دي بتوجعك بالذات كمان لما تكوني بتحبيه».

ياسمين عبد العزيز تتحدث عن زواجها مرة أخرى

وتحدثت ياسمين عبد العزيز، عن الزواج مرة أخرى بعد طلاقها: «أنا طول عمري متجوزة، أنا عمري ما كنت سنجل.. طول عمر اللي متجوز ده مايعرفش يبقى لوحده».

وأضافت: «من وأنا عندي 18 سنة لغاية ما اتجوزت وأنا عندي 20 سنة وأنا متجوزة، حتى لما أطلقت على طول اتجوزت أحمد العوضي.. عمري ما كنت سنجل».

وتابعت:«أنا بحب الحب.. أنا حبيبة ومعرفش أبقى لوحدي، بس أنا أعمل إيه في قلبي دلوقتي، أي حاجة يجيبها ربنا كويس وخير وأنا راضية، ربنا ما بيعملش حاجة وحشة، البني آدمين هما اللي بيعملوا كل حاجة وحشة ومؤذنين».

أقرا أيضا: سيلينا غوميز تتعرض للهجوم بعد ترويجها لمنتج يدعم الاحتلال