حسن الشافعي يبرئ شقيق شيرين من تهمة النصب

بعدما التزم الموزع الموسيقي المصري حسن الشافعي الصمت طوال الأيام الماضية، قرر اخيرا االرد على إدعاءات الفنانة شيرين عبد الوهاب ضد شقيقها محمد عبد الوهاب، في بيان صادر من شركته بيسمنت ريكوردز The Basement Records.

حسن الشافعي يرد على اتهامات شيرين

وفند حسن الشافعي جميع الاتهامات من جانب شيرين، التي أكدت أنها هي من وكلت شقيقها لإدارة قناتها على يوتيوب، وشارك بيان الشركة على صفحته الشخصية على موقع إكس قائلاً: «كنت واخد عهد على نفسي إني مش هستخدم السوشيال ميديا غير عشان أشارك حاجات إيجابية أو تخص الفن أو قضية أنا مؤمن بيها».

وأكمل: «لكن للأسف الادعائات الباطلة اللي بنواجهها من فترة طويلة قِبَل شركتي The Basement Records وجب الرد عليها عشان من حق الناس إننا نوضحلهم حقيقتها».

وختم حديثها: «هفضل عند موقفي، النزاعات يحكم فيها القضاء، والبيان ده غرضه توضيح الموقف الحالي. وأتمنى إننا منضطرش نتكلم في الموضوع ده تاني لحد ما القضاء يصدر حكمه».

شقيق شيرين يؤكد عدم صحة إدعائاتها

بينما نشر محمد عبد الوهاب شقيق شيرين صورة عبر حسابه الشخصي على موقع فيس بوك، لشقيقته وهي تمسك درج اليوتيوب الذهبي وتشكر الشركة على خدامتها في إدارة القنوات.

وكتب على الصورة معلقاً: «ادي الشركة اللي هي بتقول عليها متعرفش حاجة عنها ولا أنها اشتغلت معاهم، ولا أنها تعرف إني مضيت معاهم الصورة علي حسابها على انستجرام وهي بتشكرهم علي شغلهم معاها من ٢٠١٨».

وأختتم: «التحقيقات إن شاء الله هتثبت بالأدلة وبإظهار العقد صحة موقفي.. محمد الشاعر ده أشهد قدام ربنا إنه من أنضف الناس اللي هي اشتغلت معاهم وشهادتي فيه مجروحة وهو معروف مين وإبن مين.. من أكبر عائلات مصر وناس سمعتهم سبقاهم».

فقد قدمت الفنانة شيرين عبد الوهاب بلاغ للنائب العام ضد شقيقها للاستغلاله توكيل قديم، والاستيلاء على قنواتها على اليوتيوب وحساباتها الشخصية على مواقع التواصل الاجتماعي.

أول تعليق من شيرين عبد الوهاب

وصرحت شيرين عبر برنامج «الحكاية» المذاع عبر قناة «Mbc مصر»، مع الإعلامي المصري عمرو أديب، قائلة: «أنا فوجئت بالي حصل على السوشيال ميديا من محمد أخويا وحسام حبيب، وأردت التأكيد أن كلام حسام مظبوط جدا وأخويا فعلا باعني، وهناك شخص تابع له استولى على حساباتي بالسوشيال ميديا بموجب توكيل عام قديم».

وأكملت: «عايزاكم متصدقوش أي حاجة من محمد عبد الوهاب وإن شاء الله الأغاني لما تنزل تعجبكم، بالرغم من أن المحكمة حكمت والقضاء المصري أن عقدي انتهى مع روتانا لكن هم لسه رافعين قضايا وموقفين الدنيا كلها وأنا واثقة في قضاء بلدي، واضطريت أرد لأني لقيت السوشيال ميديا مقلوبة».

وتابعت: «التصريح اللي نزل نزل من محامي محمد اللي مستولي على السوشيال ميديا ومضاله على عقد بيخليه يستفيد من السوشيال ميديا بتاعتي، وفيه أغاني جميلة جدًا جدًا عاملينها وشوية حاجات بتخلص عشان المشاكل مع الشركة المنتجة، لأن في حد كمان قاصد يقعدني في البيت وبنخلص الحاجات دي».

واكملت: «مش عايزة أضايقكم لإني عارفة أن كل واحد فيكم عنده مشاكل وهموم، وكل شوية شيرين شيرين والفترة اللي فاتت مكانش ليا تصريحات وانتوا أهلي وسندي وبتردوا غيبتي وبتقفوا لي وكمان بعد إذنكم في بيان رسمي في مكتب المحامي قنطوش وياريت ما تصدقوش غير البيانات اللي بتبقى تصريح مني شخصيا غير كده دي أكاذيب بشكركم يا حباييي وربنا يخليكم ليا».

أقرا المزيد:

رئيسة المفوضية الأوروبية: صفقات مع شركاء مصريين بأكثر من 40 مليار يورو

ناسا تكشف مصير رائدي الفضاء بوتش وسوني

طبيب فرنسي يثير الجدل بالكشف عن عمليات تجميل عمرو دياب وتامر حسني