حسين فهمي عن القاهرة السينمائي: حرصنا على أن نوسع دائرة العرض ودعمنا الشباب(صور)
كشف الفنان حسين فهمي عن كواليس الدورة الـ45 من مهرجان القاهرة السينمائي الدولي، على هامش حضوره حفل الافتتاح الليلة.
وقال حسين فهمي، في لقاء له على شاشة DMC: "حرصت على أن يكون المهرجان السنة دي يكون في منتهى البساطة وله كلمة وله تواجد، وإن أظهر جمال الأوبرا والمباني، حرصت أيضا أكون متواجد حوالين مدخل الأوبرا الرئيسي وده كان مقفول لعدة سنوات، كما حرصت يكون عندنا مجموعة أفلام جيدة جدا وعندنا مجموعة كبيرة من الأفلام عندنا 190 فيلم من دول عديدة حوالي 50 دولة، عندنا 10 أفلام بتعرض لأول مرة".
وأضاف: "حاولت أوسع الدائرة ماتبقاش بس منحصرة في وسط البلد، خاصة إن مدينة القاهرة توسعت وأصبح عندنا سينمات في التجمع الخامس وفي 6 أكتوبر، وبالتالي احنا روحنا للجمهور بدل ما نستنى إنه يجيلنا"
وعن الأفلام المرممة، قال: "اختيار ترميم الأفلام لأنهم من أهم أفلام المصرية وابتديت بالكشف اللي عندي وفيه حوالي 1400 فيلم وابتديت بـ 10 أفلام وخالي في 12 فيلم بيتم ترميمهم وبنكمل فيهم أفلام قيمة جدا زي شئ من الخوف، القاهرة 30، قصر الشوق، المستحيل".
وتابع: "الترميم بنحولهم إلى أفلام ديجيتال لأن صناعة الفيلم اتغيرت ما بقتش زي زمان، النجتيف ابتدى يتأكل وهنفقد القيمة وبنحولهم ديجيتال للحفاظ عليهن".
