بعد الاعتداء على مدربه.. أحمد شاهين لاعب المنصورة يعلن اعتزاله لعب كرة القدم نهائيًا

أعلن أحمد شاهين لاعب فريق المنصورة، اعتزاله كرة القدم بشكل نهائي، بسبب ما حدث في مباراة فريقه أمام المقاولون العرب بمسابقة دوري المحترفين.

وتعدى "شاهين"، على علاء نوح المدير الفني لـ فريقه، بسبب استبداله خلال مباراة المقاولون العرب، في مواجهات مسابقة دوري المحترفين اليوم الاثنين.

وكتب اللاعب عبر حسابه على فيس بوك:"أولا أنا بعتذر لجماهير نادي المنصورة وبعتذر لمجلس إدارة نادي المنصور وأتمني التوفيق للكيان الكبير سأبقي محب ومشجع لبلدي وقررت عدم لعب كورة القدم نهائيا ولو انا اتصرفت غلط فده خارج عن ارادتي واتمني اي حد يحط نفسه مكاني.

من جانبه، قال شقيق محمد شاهين عبر حسابه الرسمي على موقع التواصل الاجتماعي فيسبوك: أولا أنا بتاسف لكابتن علاء نوح المحترم على اللي حصل من أحمد، بس حضرتك عارف ومتأكد حب أحمد وغيرته على فريق بلده المنصورة.

وواصل محمد شاهين: وهو أكتر لاعب شايل الهم والقرف اللي من أول السنة، وحضرتك عارف الضغوط اللي هو فيها من كل حاجة، وتعب أخويا ووالدتي دي لوحدها ضغوط، وحضرتك إنت خسران 3، آه ده قرارك وإنت حر، بس حضرتك جيت على أحمد كتير من أول ما حضرتك مسكت الفرقة، وأخيرا أنا بتأسف لجمهور المنصورة والكورة المصرية كلها، ده لاعب عنده 19 سنة، حرام كل الضغوط دي من الإعلام والصفحات وكل الناس، بجد حرام.