بتصريح غريب.. عدلي القيعي يمهد لرحيل نجم الأهلي للدوري القطرى
كشف عدلي القيعي رئيس شركة الكرة السابق بالنادي الأهلي، كواليس أزمة تجديد عقد أكرم توفيق لاعب الفريق الأول لكرة القدم، بعد توقيعه على عقود انتقاله إلى الشمال القطري بداية من الموسم المقبل.
وقال عدلي القيعي في تصريحات تليفزيونية: الوضع الحالي إن اللاعب وقت انتهاء عقده ويطالبه النادي بالتجديد، وقتها بيقعد حد قرايبه أو وكيل أعمال ويطلب يأجل التجديد لحين انتهاء العقد، إلا بعض اللاعبين اللي بيحسموا أمورهم مع نفسه وبياخدوا قرار الاستمرار.
وتابع: اللاعب اللي يسيبك لآخر 6 شهور من العقد أعرف إن في دماغه حاجة، وعايزين نحط في مشهد تجديد أكرم إن أخوه أحمد توفيق، وأحمد بياخد مبالغ هائلة جدا، رغم إن أداء أكرم أفضل وأكثر تأثيرًا مع فريقه.
وواصل القيعي تصريحاته: أكرم توفيق بيقول أخويا عمال يشتري في أراضي وبيبني بيوت، بس هي مش بتتحسب كدة لأنك لازم تشوف بتعمل تاريخ ولا لأ، بتعمل علاقات هتفيد في المستقبل ولا لأ.
وأوضح: إذا كانت الإجابات على هذه الأسئلة هتريحك فهتكمل في النادي، أما إذا كانت الضغوط قوية عليك سواء من أسرتك أو من وكيلك، لأن الوكيل مصلحته بيع اللاعب وقتها هيكون قرارك الرحيل.
وأكمل: أكرم لو قال موقفه بوضوح من البداية مكناش وصلنا لكده، مش محتاج تضغط وتروح تلاغي الجماهير، وتبين إن الأهلي قصر وإنه عمل معاك إيه في قطر، عشان الأهلي ميردش وندخل في موضوعات أخرى.
للمزيد تابع خليجيون نيوز على: فيسبوك | إكس | يوتيوب | إنستغرام | تيك توك
