رنا سماحة لجنينها مالك: بحبك يا أحلى وأصدق وأنقى ما فى الحياة

قامت الفنانة رنا سماحة عبر صفحتها الشخصية على "إنستجرام"، بنشر فيديو جديد لها أثناء حفلة "معرفة جنس المولود".

وظهرت رنا سماحة وهى فى يديها إحدى قطع ملابس الطفل، التى تشير إلى أنها حامل فى "ولد".

حيث علقت رنا برسالة لطفلها، وقالت: "مالك قلبى.. عايزة أقولك إنى بحبك أوى يا حبيبى.. عايزة أقولك كمان إن وجودك جوايا مهون عليا كل الدنيا الصعبة.. عايزاك تبقى كويس وبخير وقد كل حاجة".

وتابعت: "عايزاك تقوى وتقوى مامى وتجمد يا بطل.. مستنية أشوفك أوى يا مالك حاسة إنك واحشنى.. بحلم بيك كل يوم من غير ماشوفك.. مشتاقة لليوم اللى هاخدك فيه فى حضنى يا حته منى".

واختتمت كلامه لطفلها وهى معبرة عن مدى حبها له: "بحبك يا أحلى وأصدق وأنقى ما فى الحياة".