بدرية طلبة ترند جوجل مصر لهذا السبب
تصدرت الفنانة بدرية طلبة، ترند جوجل مصر، وذلك بعد تعرضها للهجوم من قبل بعض متابعيها بعد أن نشرت صورة لابنة أخيها وروت تفاصيل تعرضها للخطف، الذي اتهموها بمحاولة تصدر التريند، فحذفت المنشور من حسابها على موقع التواصل الاجتماعي "فيس بوك".
وقالت بدرية خلال المنشور: "والله ماكنت بصدق ومكانش ييجي علي بالي أبدا إن دي حقيقة لكن حصلت لحد مني".
وتابعت طلبة: "اللي اتشكت دي بنت أخويا، وربنا ستر ورجعت بيتها بالسلامة، أمانة خدوا بالكم من بناتكم لأن واضح إن البنات الكبار هم السن المستهدف".
واختتمت بدرية حديثها وقالت: "شيروا على قد ما تقدروا علشان نوعي الناس، دا مش بوست منقول، دى صفحتى أنا بدرية طلبة ودى بنت أخويا".
وبعد أن حذفت بدرية المنشور السابق كتبت:"اعتبرونى منزلتش حاجة طالما حتعدو تكدبوا وتناقشوا، أنا بوعيكم مش أكتر لأن حصل معانا فعلا ومقولتش تخدير كلى زي ما بتقولوا والبوست كان واضح واللي بيدخل على الخاص عايز التفاصيل أنا مش فاضية أقعد أشرح لكل واحد مش مصدق براحة راحتك والغريبة بقى اللى يقولك ترند!!! ترند إيه يا ابو ترند هو أى هبد وأى كلام”.
ووجهت بدرية الشكر لقسم الشرطة وقالت:" بشكر كل اللى اهتم وسأل واطمن من الدولة وقسم الشرطة التابعة ليه ومن النقابة واطمنوا على البنت من باباها، وبكرر تانى أنا شيلت البوست بسبب التعليقات البايخه مشلتهوش من فراغ".
