شيرين عبد الوهاب: حسام حبيب لم يرفع سلاح علي ولم يستفد ماديا
تحدثت الفنانة المصرية شيرين عبد الوهاب، مع جمهورها بشكل عفوي، وذلك من خلال خاصة ask علي موقع التواصل الاجتماعي انستجرام.
و كشفت عبد الوهاب العديد من الأسرار في حياتها لأول مرة، وأبرزها حديثها عن حسام حبيب وحقيقة استغلاله المادي وكذلك تهديده لها بالسلاح في الأزمة الأخيرة بينهما.
وجاءت ضمن استفسارات جمهورها ومحبيها، سؤال من متابعة تسألها: "هل حسام فعلا زي ما الناس بتقول أخد فلوسك" لترد شيرين وتنفى هذه الشائعات قائلة: "بصراحة وحق الله أن حسام عمره ما أخد مني فلوس، ولا استفاد مني ماديا، بل بالعكس تماما، أنا معرفتش احوش فلوس ليا غير لما اتجوزت حسام، كان بعكس اللي بيتقال تماما، هو كان بيحافظ على مالي، ودي الصراحة عشان دي حاجة هتسأل عليها قدام ربنا ودي الحقيقة".
لترد أيضا حول شائعات أخرى حول علاقتها بحسام حبيب، وذلك بعدما وجه لها أحد المتابعين سؤالا بقوله: هو بجد حسام رفع عليكي سلاح، لترد شيرين: "طبعا لا، ايه ده؟ ازاي يتقال كدة؟ وبرضه دي شهادة هتسأل فيها قدام ربنا".
كما وجه لها سؤالا عن قضية آمال ماهر ورأيها في اختفائها حتى الآن، لترد قائلة:" يا جماعة الموضوع ده حساس وموضوع خاص، أنا مقدرش أتدخل في شيء شخصي بالذات أني شخصيا اتأذيت في حياتي الشخصية واتقال عني كلام غلط كتير، فأنا مقدرش أتدخل في موضوع خاص بآمال ماهر لو طلبت عيني اديهالها، مضيفة: "إحنا عرفنا أن في مشاكل كل ده كلام بيتقال من غير إثبات خصوصا أن أهلها والنقابة قالوا إن مفيش مشاكل وأن آمال زي الفل ويارب تبقي زي الفل".
وعن سؤالها عن تحصيلها الدراسي، أجابت شيرين: "للأسف لسه مخلصتش دراسة في أكاديمية الفنون، عشان الدنيا خدتني والشغل خدني".
وجاء استفسار آخر وهو: ايه رأيك في الكائن الحي الذي يسمي الرجل بعد التجارب اللي مريتي بيها: "هو نص الدنيا والدنيا راجل وست".
