عمرو اديب مداعبا جمهور الاهلى: مش حيجرى حاجة لو الاهلى فضل مغلوب
قال الاعلامى عمرو اديب مداعبا جمهور الاهلى «يا حنان يا منان يفضل الأهلي في التمام».وذلك بعد فوز بيراميدز على النادى الاهلى فى المباراة التى اقيمت بينهم امس بهدفين دون رد
وقال «أديب» خلال برنامجه «الحكاية» المذاع على فضائية «إم بي سي مصر» إن برشلونة وريال مدريد لم يفوزوا والأهلي اتغلب اليوم، معلقا «يبقى فلة شمعة منورة، وهدف بيراميدز الأول كان تحفة»، موضحًا «هيحصل ايه تاني يارب لو الأهلي فضل مغلوب على طول مش هيجرى حاجة ولا هنصحى بكره نلاقي البنزين رخص
وأشار إلى أن هزيمة الأهلي تعتبر في مصلحة بيراميدز والزمالك وفيوتشر، وليس في مصلحة الأهلي، معلقا: «بعد المباراة دي هنتكلم عن دوري آخر.. ودي حاجة كويسة، السنة دي حاجة مختلفة خالص، يا نهار أبيض».
ووجه عمرو أديب تهنئة للزمالك قائلا: «مبروك للزمالك فوزه النهارده على المحلة، ولولا الحارس محمد عواد كان الزمالك هيبقى عنده نتيجة تانية خالص، عواد عمل ماتش عالمي وبن شرقي لما يمشي هنفتقد اللمسة الذهبية والزمالك عمل أداء عظيم كان جمهور الزمالك جمهور جبار وابتدينا نحس بالجماهير في الاستاد»، مختتما تعليقه على الفوز بكلمة زمالك.
