أول تحرك من الفنان حسام حبيب علي تصريحات شيرين عبد الوهاب
قرر الفنان حسام حبيب، اللجوء للإجراءات القانونية للحصول على حقه من طليقته الفنانة شيرين عبد الوهاب وذلك بعد تصريحاتها التي أدلت بها في مداخلة هاتفية مع الإعلامية لميس الحديدي في برنامج "كلمة أخيرة" على شاشة قناة "أون"، خلال الساعات الماضية.
وقال حسام حبيب في تصريحات لبرنامج et بلعربي: "أكيد هيكون في إجراء قانوني، عمري ما دافعت عن نفسي وعمري ما تكلمت طبعا كل ده كلام مرسل، الكلام اللي أنا هرد بيه كلام كله بوثائق، مش هقول كلام مرسل، كل حاجة دلوقتي بحضرها، حفاظا عليها وسمعتها، وعلى بيتها، مكنتش بتكلم".
وتابع: "بس أنا دلوقتي هضطر أني اتكلم، لأن الكلام بقى زيادة قوي، أنا كل اللي هعمله مش هطلع أتكلم كلام مرسل، أنا هطلع أتكلم كلام بحقايق وبوثائق، عشان أنا معرفش أقول كلام مرسل، لا أتحاسب عليه ولا افتري على حد، أنا هرد على كل حاجة هي قالتلها بوثائق تثبت إن الكلام ده كله تهديد، أنا بأبتز عشان خاطر اسمع الكلام ولو مسمعتش الكلام هيحصل فيا كده، بتهدد دايما بجمهورها أني هي هتعمل فيا كده، وهي فعلا بتحاول تعمل كده".
واختتم حبيب حديثه قائلا: "بس أنا إجراءاتي القانونية، وردي في الإعلام هيبقى كله بوثائق وحقايق، علشان كده أنا مش مستعجل أنا بظبط دلوقتي كل حاجة قانونا وبمستندات".
