راقصة وفنانة مصرية تثير الجدل بعد تصريحاتها عن حياتها الزوجية

أثارت الفنانة والراقصة صفوة، حالة من الجدل الشديد، علي صفحات مواقع التواصل الاجتماعي، وذلك بعد تصريحاتها الأخيرة عن حياتها الزوجية، وما تعرضت له في برنامج "الترابيزة".

وكشفت الراقصة صفوة، تفاصيل زواجها، مشيرة إلى أنها تزوجت ثلاث مرات، وفقدت شبابها بعد زوجها الثالث، وتعرضت لعملية نصب منه.

وقالت صفوة خلال لقائها: زوجي الثالث أخد سنين عمري كلها وشبابي وفي الآخر اكتشفت إني هبلة ومكنتش متخيلة إن فيه راجل ممكن يضحك على مراته بالشكل ده، وأنا مبقتش بثق في حد بسببه، يعني لو حد بيجيبلي هدية بدون مناسبة هشك فيه.

وأضافت: أنا اتطلقت من زوجي الثالث وأنا مش معايا لا فلوس ولا أي حاجة، وخاني مع واحدة أنا عرفاها وهي عارفة إني مراته، كنت فاكرة إنه بيحبني وبيحافظ على شغلي، عشان كان شغال مدير أعمالي وكان له نسبة من شغلي طبعًا، وكنت فاكره إنه بيحبني.

وواصلت: كان مشغل إخواته بادي جارد ليا، وأخته تساعدني في شغل البيت، وفي الوقت ده بقيت بقول هو فيه حد كده في الدنيا؟ ده مسخرلي كل أهله يساعدوني، ولكن طلع للأسف عشان يراقبني من خلالهم، ووصلت بينا المشاكل إلى إني اتحبست بسببه بين 11 راجل في الحجز.