بسبب أغنية "أنا وبس" تجدد الخلاف بين اليسا وزياد برجي
تجدد الخلاف مرة أخري بين الفنانة اللبنانية اليسا والملحن والمطرب اللبناني زياد برجي، وذلك بعد طرح الأخير جزء من أغنية"أنا وبس" لاليسا قبل نزولها بصوتها بشكل رسمي، وهو ما أثار غصب اليسا منه.
وقال برجي في تصريحات لبرنامج et بالعربي: "الأغنية كلمات أحمد ماضي، توزيع طارق توكل، وألحاني، وهي بتجنن الناس حبينها كتير، وهي كانت لي وبعطي ألحان لتنجح وفرحان كتير بنجاح الأغنية".
وعن تسريب مقطع منها بصوته، علق "برجي" قائلًا: "عملت تيزر لـ إليسا وفرحت بيه، بأول 10 أيام وهيدا بيصير بين أي ملحن وفنان، أصلا نحن بننزل أي أغنية بنلاقي الناس عاملينها كافر وبيغنوها، فكيف إذا أعلن الملحن إنه بعد 10 أيام حابب ينزل هالأغنية؟ ويصورها وهو أصلا هالأغنية كان بده ينزلها من قبل ومجهزها لتكون بالإصدار، ولما عجبت إليسا أعطاها الأغنية من كل قلبه بإتفاق خاص شفهي أمام الله بيني وبينها".
وتابع: وكنت ناوي أنزل الأغنية بصوتي، لإن إليسا بتعرف إنها كانت معمولة لزوجتي ولعيد زواجنا، وكنت ناوي أنزلها بعد 6 شهور، متسائلا: "ليش هيدي الأغنية مزعوجين منها هالقد إليسا والفانز تبعها؟، جاني إنذار غير مسبوق من إليسا نهار الجمعة بيقول إنه عم تمنعني أغني الأغنية كملحن".
واستطرد: "أنا طلعت على تويتر طلبت من الفانز تبعي نكون محترمين، وسؤالي عم وجهه لـ إليسا لأول مرة بوصل لهذا الحد من المكالمات وتوصل للتهديد بالقتل! وبيتصلوا فيي على رقم بنتي اللي عمرها سبع سنوات وهيدا الرقم مع قلة قليلة من الأصدقاء وحذرت كل صحابي حتى ما يرسلوا ستيكر في شيء سيء لأنه بيكون دايماً بإيد بنتي"، مؤكدًا أنه تواصل مع مكتب مكافحة الجرائم الإلكترونية لمعرفة الجهة التي قامت بتسريبها، وأيضًا معرفة الأشخاص الذين يسبون عائلته، مشيرًا إلى أنه تقدم بتلك الشكوى ضد مجهول دون اتهام فانز إليسا.
وأردف: "بتحداها تطلع تقول شو صار، أنا حليت أموري معك يا إليسا على التليفون مثل أي صديق عاتب صديقه بالهاتف وقطع علاقته فيه، يمكن كون قلتلها أنا بحبك كتير ما فيني أعيش بلاكي! ما بقى بدي احكيكي! شو عرفها العالم إن النهاية كانت سلبية؟ كيف عرفوا العالم شو حكينا؟ وصل يمكن من ورا نوع التويتة اللي نزلتها إنه حدا بيقطع بالواتساب، وإذا هيدا اللي حكيته بالواتساب والناس بتعرفه حدا بيقدر يعتبره ردح! ولا لما أحمد ماضي بينزل إنه أنا شو حكيت عنها بالمقابلة وهي ما قدرت تجيب سيرتي واسمي".
واختتم زياد برجي حديثه بقوله: "من مصلحتي أن أكون على أحسن علاقة مع إليسا وربما علاقتي السيئة ستكلفني الكثير، ممكن على صعيد اللي بيحبوها وأنا أعوذ بالله من كلمة أنا، عشت 15 سنة من ورا الملحن ولسة بعاني منها".
