أحمد سيد زيزو: لن العب في مصر الا لنادى الزمالك ومحمد صلاح عايزني أحترف

حل نجم نادى الزمالك والحاصل على جائزة افضل لاعب بالدورى المصرى أحمد سيد زيرو ضيفا على الاعلامى عمرو أديب فى برنامج "الحكاية" المذاع على قناة mbc الفضائية

ووجه الإعلامي عمرو أديب سؤالًا لنجم نادي الزمالك أحمد سيد زيزو بشأن إمكانية انتقاله للنادي الأهلي، قائلًا: "لو الأهلي قدملك عرض قوي هتعمل إيه؟".

ورد "زيزو": أنا دلوقتي محسوب على نادي الزمالك وهما محسوبين عليا علشان لو احترفت هارجع بيتي اللى هو الزمالك اللى اتعرفت من خلاله".

وأضاف: أنا عندى جمهور كبير والزمالك جمهوره كبير وعندى أستقرار فلماذا أفكر فى اللعب داخل مصر لأى نادى أخر.

واستطرد قائلا: "اللى بيروح الأهلي والزمالك علشان يكسب بطولات ويبقى مشهور ومحبوب ويطلع في التليفزيوني وأنا عندي كل ده، علشان أيه أروح الأهلي وأغير الزمالك اللى هو نادي كبير.

وتابع: الزمالك زي الأهلي وأنا مستقر نفسيا وواخد وضعي في الزمالك والناس بتحبني بعمل تاريخ مفيش أسباب تخليني أسيب الزمالك وأروح الأهلي، وفي الأول والآخر أنا بحسبها الكورة احتراف.

زيزو: اتعرض عليا مبالغ خيالية علشان أسيب الزمالك، ومحمد صلاح عايزني أحترف.

وأكمل: القصة كلها انت كلاعب بتحسبها إزاي، يمكن واحد يقول أنا أروح الأهلي علشان أكسب بطولة أفريقيا، وأنا أفكر أقعد في الزمالك وأحاول أكسب أفريقيا، وكل واحد وتفكيره ودماغ اللى حواليه وولي الأمر بتاعك وأبوك وأمك ومراتك والناس اللى حواليك اللى بيفكروا معاك.

ولفت: "البيت كله عندي زملكاوي حتى أصحابي اللى كانوا أهلاوية بقوا زملكاوية علشاني".