وائل الفشني:محمد منير سبب وجودي في الفن
تحدث المطرب وائل الفشني عن بداية مشواره الفني قائلا: كانت في محافظة بني سويف، كان عندي ١٢ سنة وكنت بعزف على الرق وما كانش حد في البلد كلها بيعرف يعزف عليه، وخصوصا لأن الرق من أصعب الآلات الموسيقية الشرقية واتخانقت مع أبويا لحد ما راح جابه، جاء ذلك خلال لقاءه في برنامج بحب الإذاعة تقديم شافكي المنيري على نغم اف ام.
وأضاف قائلا: أنا فاكر أننا كنا بنقضي العيد في المقابر ونقعد حوالي يوم أو يومين هناك ناكل ونشرب و نأكل الناس كمان، و أحلى رز أكلته في حياتي كان من إيد جدتي.
وأكد الفشني أن الفنان محمد منير هو من كان سببا في كونه مغنيا، مضيفا: ما كنتش متخيل إن تتر مسلسل "واحة الغروب" ينجح بالشكل ده، واللي رشحني لغناء التتر الموسيقار تامر كروان.
وعلق علي حبه للفنان بليغ حمدي قائلا "أنا لو في زمن بليغ حمدي كنت قعدت تحت رجله لأن زي ما بيقولوا كده إحنا أبونا باشا"، و اشتغلت مع بهاء سلطان من ٢٠٠١ لحد ٢٠٠٧، وهو شخص متواضع جدًا.
واختتم قائلا الدكتور يحيي الفخرانى هو اللي طلب إني أغني تتر مسلسل "زيزينيا"بعتبر نفسي محظوظ جدًا لاختياري للغناء في حفل افتتاح طريق الكباش.
