المطرب النقاش يبدأ مشوار الشهرة والأضواء 20 أكتوبر
يبدأ المطرب الشاب أحمد سالم المعروف على وسائل التواصل الاجتماعي بمصر بالمطرب النقاش، طريق الشهرة والأضواء يوم 20 أكتوبر، حيث يستعد أحمد سالم لأول حفل غنائي له في ساقية الصاوي بالزمالك داخل قاعة النهر، يوم الخميس 20 أكتوبر القادم، وتبدأ أسعار التذاكر بـ100 جنيه كحد أدني، وتتضمن قائمة التذاكر أكثر من فئة.
وروج سالم للحفل، عبر حسابه الشخصي بموقع فيسبوك، قائلا: «حبايب قلبي انتظروني، أول حفلة ليا بإذن الله في ساقية الصاوي 20 أكتوبر في الزمالك بأمر الله».
عرف أحمد سالم طريق الشهرة بعدما انتشر فيديو له وهو يعمل في مهنة النقاشة، ويغني "بكرا يا حبيبي" للفنانة الراحلة وردة، ساعات قليلة وانتشر الفيديو انتشارا كبيرا وأبدى الجمهور إعجابه بصوت هذا الشاب وبدأوا في البحث عنه، وقام الشاعر الغنائي عمرو حسن بنشر الفيديو عبر حسابه على Facebook وطالب متابعيه بمحاولة إيصاله بهذا الشاب.
وتمكن الشاعر عمرو حسن من الوصول إليه وكتب عبر حسابه على Facebook: "لاقيناه يا جماعة يارب بس يوافق يتعاون معايا في الحفلة الجاية.
لم يتوقف الأمر عند الشاعر عمرو حسن، فالمطرب والملحن رامي جمال نشر هو الآخر فيديو هذا الشاب وكتب: أنا عاوز حد يوصلني بالراجل الجميل الجدع ده أبو صوت مسمعتوش من زمان ضروري ضروري أنا عاوز أغني معاك أغنية دويتو وعاوز أعملك أغنية ليك هديه مني ولو ربنا كتبلك قبول وأنا شايف أنه فعلا كاتبله أعملك ألبوم ننضف بيه
وبالفعل استضاف الفنان رامى جمال، الشاب أحمد سالم في فيديو جمعهما سويًا داخل أستوديو، وتحدث رامى جمال خلال الفيديو قائلاً: "منورنى النهاردة الفنان أحمد سالم، عشان الناس اللى فاكرة أننا بنضيع وقت فأحب أقول أن مفيش وقت هايضيع".
وتابع رامي جمال: "انا لسه راجع من السعودية امبارح وبأمر الله 3 أو 4 أيام هنسمع أغانى من أهم ناس في مصر عشان نختار الاغنيتين، الأولى بتاعتى أنا وأحمد والتانية بتاعته هو لوحده، وبأمر لله الوعد اللى وعدته ميمنعنيش عنه غير ان عمرى يخلص وممكن أوصى المكتب لو عمرى خلص يكملوا هما".
وأضاف رامى جمال: "أنا بطمن الناس كلها بأمر الله أحمد هيعمل الاغنيتين وتستمتعوا بصوته، واللى عاوزين أحمد في اى حاجة هو مضى مع شركة إدارة أعمال وأى حد هيتواصل معاه هيديله رقم الشركة دى، وانا بالنسبة ليا الاغنيتين اللى بعملهم له أنا مش عاوز أى حاجة منه ولا عمرى هامضيه على عقود احتكار، لان انا اللى بعمله عشان أحمد ربنا كاتبله قبول وانا افرح انى أكون بنفذ التساهيل اللى بتحصل له".
وكشف سالم أنه يغني منذ الصغر لكن والده رفض دخوله عالم الفناء، وشدد سالم على أنه لا يشعر بأي ضيق من لقب «المطرب النقاش»: «عمري ما همسح الفيديو اللي كنت بغني فيه وأنا بشتغل، هيفضل موجود قدام الناس طول العمر"
