مصطفي كامل ينسحب من أزمة شيرين عبد الوهاب لهذه الأسباب
أكد الشاعر الغنائي مصطفى كامل، نقيب الموسيقيين، دعمه الكامل للفنانة شيرين عبد الوهاب في أزمته التي تمر بها الأن.
وقال كامل، خلال المؤتمر الصحفي المشترك بين نقابتي الموسيقيين والممثلين لوضع ضوابط لمطربي المهرجانات:« الساعة 4 صباحا، كلمني شخص صديق لي وكان صابح عندي اجتماع نقابة وكنت متوترًا، اتقالي نصا شيرين اتخطفت دلوقتي واتضربت واتفتح عليها مطاوى وبلطجية وحسام حبيب قالي نفس الكلام"، مضيفا: "الطبيعي من غير منصبي المفروض أنزل أبلغ في أي قسم عشان هي زميلتي، واتقالي إنها مخطوفة وحطوها في مستشفى باسم مستعار".
وتابع: "تواصلت مع أحد الأشخاص وأخبرني التفاصيل الحقيقية وقالي الموضوع مش كده، وإنهم قالوا لحسام حبيب أنت مش من أهل شيرين عبد الوهاب، واللي أخدوها إخواتها وهنا أنا انسحبت لأن الموضوع بقى عائلي، أنا لي حق زميلتي لكن دي أسرتها".
وجدد دعمه لـ شيرين عبد الوهاب، قائلًا: «أنا وكل زملائي ندعم شيرين عبد الوهاب فنيًا وماديًا ومعنويًا، وكل حاجة عشان موهبة شيرين مش حاجة قليلة، وخدت قرار إني متكلمش في الموضوع ده خالص غير في الاجتماع النهاردة».
واختتم نقيب الموسيقيين: «آخر ما آلت إليه الأمور أمبارح أن كان في مكالمة ما بيني أنا وأنغام وقالتلي يا مصطفى أنا في ضهرك لمصحلة شيرين وهنروح لها، واكتشفنا أن الجهات القضائية منعت ده، وأنغام محتضنه أسرة شيرين بصفة شخصية».
