ياسر جلال يعلن عن تبرعه بثلاثة ملايين جنيه لصندوق 'تحيا مصر'
كشف الفنان المصري ياسر جلال عن تبرُّعه بمبلغ ثلاثة ملايين جنيه، لصالح صندوق تحيا مصر، اليوم الأربعاء، وتعد المرة الأولى التي يقوم فيها النجم ياسر جلال، بالإعلان عن التبرع وجهتها، وكشف أسباب ذلك.
حيث قال ياسر جلال: «المرة ديه بعلن عن الجهة والمبلغ اللي اتبرعت بيه لأني بتمنى أن كلنا نشترك، ونعمل اللي نقدر عليه، وبدعي زملائي النجوم أنهم يتبرعوا باللي يقدروا عليه.. أنا عارف إن فيه منهم عمل الموضوع قبل كده بس لو عملوا ده تاني يبقي شئ عظيم».
للمزيد: موقع خليجيون نيوز، للتواصل الاجتماعي تابعنا على خليجيون
وتابع: «يعلم ربنا إن السبب اللي خلاني أعمل كده هو الأزمة اللي بتمر بيها مصر دلوقتي أنا راجل لا غاوي شهرة ولا نجومية أنا بشتغل وبخلص شغلي وبروح أقعد مع مراتي وأولادي وبعمل ده، لأن كلنا شايفين إن البلد بيمر أزمة كبيرة والعالم كله بيمر بأزمة كبيرة، وإن شاء الله الأزمة تعدي لما كلنا نقف جنب بعض».
وحرص الفنان ياسر جلال على إنهاء حديثه بالدعاء لمصر.
