أخر تطورات الحالة الصحية للفنانة داليا البحيري بعد سقوطها على المسرح

كشفت الفنانة داليا البحيري، عن تعرضها لحادث بسيط، حيث سقطت على خشبة المسرح بسبب اختلال توازنها، مؤكدة أنها أكملت المسرحية سيدتي آنا قبل ذهابها إلى المستشفى للاطمئنان على حالتها الصحية.

حيث نشرت داليا عبر انستجرام صورتين الأولى للأشعة التي أجرتها على كفيها، والأخرى بعد الإصابة، وعلقت "حادثة صغيرة على ما قسم كده، اختل توازني على المسرح ووقعت واقعة جامدة حبتين، ونزلت بكل حملي على إيدي وحسيت برجة جامدة في دماغي، وجع رهيب، إيدي ورمت قلت بس أنا اتكسرت، كملت العرض الحمد لله وطلعت على الطوارئ، هوب إشاعة، هوب الحمد لله مفيش كسر بس فيه مزق في وتر الإبهام أدى إلى إن العضمة اتحركت من مكانها ياختيييي".

وتابعت داليا "كل ده تمام وألف حمد وألف شكر إنها بتيجي على قد كده، المشكلة بقى يا جماعة في إني اكتشفت إني مش عارفة أعمل أي حاجة بمعنى أي حاجة من غير الصباع ده، لا عارفة ألبس ولا أقلع ولا أفتح إزازة الماية، مش عارفة أشيل حاجة، مش عارفة أفتح باب العربية ولا أي أكرة، مش عارفة أسرح شعري ولا أغسل وشي ولا أي حاجة، وكمان مش عارفة أعمل scroll، مش عارفة أعمل like، آه والله ال Like بتوجعني جدا، بس برضو الحمد لله دائما وأبدا، ما يقع إلا الشاطر".