الإعلامي المصري عمرو أديب يطالب بكشف أسباب انقطاع الكهرباء لفترات طويلة يوميًا.. والوزارة ترد

تصدر الإعلامي المصري عمرو أديب، تريند جوجل والسوشيال ميديا خلال الساعات الماضية بعد حديثه عن أزمة انقطاع الكهرباء في مصر، موضحًا أنه تواصل مع وزارة الكهرباء والطاقة المتجددة، للاستفسار عن سبب انقطاع الكهرباء لمدة ساعتين يوميا.

وأضاف خلال برنامجه «الحكاية» على قناة «mbc مصر»، مساء الجمعة: «إحنا كلمنا وزارة الكهرباء، وقالولنا لأ، مجلس الوزراء بس اللي هيتكلم».

وجه أديب، رسالة لمجلس الوزراء قائلا: «مش عاوز طبطبة عليا ومتخففش عني الحكاية.. قولي بكل صراحة إحنا مش هنقدر نرجع الكهرباء دلوقتي، وإن النور ممكن يقطع ساعتين».

وأشار إلى أن الحكومة كانت قد أعلنت انتهاء فترة تخفيف الأحمال بحلول 15 سبتمبر، لكنّ الأمور زادت سوءا وفق تعبيره، مُرجحا عدم انتهاء هذه الأزمة خلال الأيام المقبلة.

ونوه بأن حالة الطقس لا تزال حارة في هذه الآونة، معقبا: «النور مش بس مؤثر على المروحة أو التكييف، لكنه بيأثر على الأسانسيرات وعلى الثلاجات وعلى المدارس.. بيأثر على كل حاجة».

وطالب الإعلامي عمرو أديب، الحكومة بكشف سبب زيادة فترة انقطاع الكهرباء من ساعة إلى ساعتين يوميًا خلال الأيام الماضية.

وقال «أديب»، في تعليق خلال برنامج «الحكاية» المعروض عبر فضائية «إم بي سي مصر»، مساء الجمعة، إن «النور بيتقطع دلوقتي ساعتين، أنا عايز حد يقولنا ايه الحكاية وايه الموضوع؟ هل انقطاع الكهربا مستمر؟ يعني هو ملوش علاقة بارتفاع درجة الحرارة أو قولولنا الحقيقة، هل لسه الموضوع متحلش وقدامكم شهر كمان؟!».

وأوضح: «الحكومة قالت قدامكم لغاية 15 سبتمبر بالكتير، دلوقتي إحنا ملاحظين حاجة في التلات أربع أيام اللي فاتوا، النور مبيتقطعش في المواعيد اللي قالوا عليها، والأهم أنه بقى بيقطع ساعتين مش ساعة».

وأضاف: «الأزمة الاقتصادية لها آثار جانبية، إحنا معندناش حاجة فنية، لكن مفيش مازوت، زي ما يكون عندك عربية رولز رويس بس معندكش بنزين، إحنا داخلين على مدارس قولونا إيه الموضوع».

وطالب مجلس الوزراء بكشف تفاصيل الوضع للمواطن، متابعًا: «مش عايزين طبطبة، عايزين الحقيقة، الشعب ده جدعان أوي، قولولنا إيه المشكلة؟!».

للمزيد: موقع خليجيون نيوز، للتواصل الاجتماعي تابعنا على خليجيون