«أحمد سعد»: انسقت وراء الترند وعملت زي البنات
اعترف النجم المصري أحمد سعد أنه انساق في وقت سابق وراء الترند، من دون النظر إلى عواقبه، وهو ما تسبب له في موجة من الانتقادات والسخرية، بسبب تقليده للفتيات بارتدائه قميص شبك وحلق في الأذن.
أحمد سعد يعترف بإنسياقه وراء الترند
وخلال لقائه مع الإعلامي المصري عمرو أديب والنجمة أصالة في برنامج بودكاست Big Time، المذاع على قناة MBC، أوضح سعد ما قيامه بتقليد البنات قالاً: «أنا خرمت ودني ولبست حلق في وقت كانت الدنيا كلها مخرومة».
وأضاف: «لما ابتدت الدنيا تبقى في أحسن حال بفضل الله والأغاني تنجح بدأت أعمل زي باقي الناس، وسافرت إيطاليا وشوفت أعظم إستايليست في ميلانو، وطلبت منه يلبسني أحسن حاجة في الكوليكشن ومشيت في مسار طبيعي في الفاشون بس هي الفكرة هل الناس هيحبوا يشوفوني بشكل معين، دا ما كنتش أعرفه وأنا ما حاربتش كتير علشان أدافع عن فكرة لبسي».
وأوضح: «طبعا اللي عملته كان غلط واعتذرت عنه، ولو البنات أحيانا بتعمل أشياء غريبة أنا عملت زي البنات».
انتقادات لأحمد سعد بعد ارتدائه الشبك
وقال سعد إنه تفاجئ برد فعل جمهوره ومحبيه، اتجاه إطلالته بالقميص الشبك، الذي ظهر به على إحدى المسارح في السعودية، قائلا: «هجوم الناس عليَّ بعد أزمة اللبس فوّقني وصحّاني وأنا أعترف إن الموضوع ما كانش صح نهائي واعتذرت عنه، هو البنات بتعمل حاجات غريبة إنما إحنا عملنا زي البنات.. .الإستايلست في ميلانو هو اللي اختار لي القميص الشبك الشفاف».
وأضاف: «وكنت متخيّل إن الموضوع هيبقى كويس، بس الدنيا قلبت عليَّ وعلشان ناخد الكوليكشن على بعضه ونركب التريند لبست كمان حلق، وأول لما طلعت المسرح ما حصلش حاجة وكنت مفكر إن الناس كلها هتلبس قميص شبك شفّاف زيي، ولكن أول حاجة أم واحد صاحبي كلّمتني وقالت لي يخرب بيتك إيه اللي عملته دا يا ولد وهي ست قديمة».
وأكمل: «لما نزلت من المسرح لقيت الدنيا مقلوبة والكل بيتكلم عن القميص الشبك وابتدوا يشتغلوا عليَّ ووقتها ما كنتش لسه ندمت وقلت الناس مش فاهمين وكل الناس انتقدوه في الأول وبعد كدا عادي، ولكن الأمر ما كانش عادي وتعرّضت لهجوم شرس واعتذرت عن الإطلالة».
واختتم: «القميص الشبك الشفّاف لسه عندي، ولكن ليلة الحفلة شِلته وقلعته وقلت يا ريتني ما كنت لبسته، التريند كان مبهر بس كان كله إساءة وسلبي ليَّووصف أحمد سعد في الوقت الحالي بأنه شخص أصبح يهتم بالتريند، فوجة ننظره تغيرت كثيراً عن الماضي، قائلاً «بقى عندي حاجة مهمة، إن التريند مهم لكن الناس هيقولوا عنك إيه».
أحمد سعد يتحدث عن شقيقه العالم
عن حديثه عن شقيقه الكبير قال أحمد سعد: «سامح أخويا عالم كبير، لكن هو الوحيد اللي ضاع فينا لو كان طلع فنان كان زمانه كسب أكتر».
وأضاف: «سامح خد أول 5 سنين في كلية علوم امتياز مع مرتبة الشرف طلع مؤتمر أخدته اليابان حضر فيها ماجستير ودكتوراة، كان الأول على اليابان، وأمريكا أخدته، عملوله معمل من أهم 10 معامل في العالم، والدكتور أحمد زويل كلمه ينزل يشتغل معاه، وبعدها رجع قال أخدم مصر، دلوقتي معاه عربية 128».
أحمد سعد يتحدث عن أسرته
وعن أسرته وأشقائه قال سعد: «إحنا 9 أولاد، وأنا رقم 7، وأنا كنت بخدم الـ8 إخواتي، وفي يوم قررت أعمل ثورة عليهم، لكن كنت بحضر لها جوة مخي، أخويا شالني ورماني برة وقفل الباب، ورحت جبت لهم الأكل ورجعت تاني.. كانت مأساة، بس عددنا الكبير ساعد على أن يطلع مننا مواهب بسبب المنافسة فيما بينا».
