في يوم الحب: مصريين مش لازم نستني يوم علشان نقول لبعض

يحل 14-2 اليوم ذكري عيد الحب علي المصريين، كما يعد عيد الحب ذكري طيبة يحتفل به الجميع ليس الاحباب او المتزوجين فقط بل الاصدقاء والاصحاب، كما يعبر الجميع عن كل الحب الصادق في داخله الي من يحب.

خليجيون يرصد لكم رد فعل بعض الشباب عن عيد الحب

خالد العمري شاب في اواخر عقده الثاني من العمر، افتتح حديثه " انا بحب كل الناس وتقريبا اتصلت بكل اصحابي امبارح وقولتلهم كل سنة و احنا مع بعض".

واكد العمري أننا لا نحتاج الي عيد حب لنذكر بعض بالحب فعلي الجميع ان نقف دائما بجوار البعض ونشعر دائما بالسعادة والمحبة تجاه انفسنا.

جورج رأفت شاب في مقتبل عمره يحمل الكثير من المحبة الي اسرته وخطيبته قال: انا بحب اسرتي جدا وخطيبتي وانهارده هخرجها وندخل سينما.

واستكمل رأفت انا اعرفها من ٥سنين كل يوم بالنسبة ليا عيد حب.

أحمد حسن شاب حديث الزواج قال: انا خطوبتي كانت يوم عيد الحب وتزوحت وانا احب زوجتي طبيعي يحصل بينا خلافات بس انا وهي بنعدي كل مع بعض مينفعش حد فينا ينام وهو زعلان.

واستكمل حسن "بنقعد كل يوم قبل ما ننام نكلم في كل حاجة تخص يومنا سواء كان حلو او وحش بنقول اللي يزعل واللي ميزعلش مدام مع بعض كله هيعدي".

مصطفي مظهر شاب في اوائل العقد الثاني من عمره قال "عيد حب ايه ده بدع هو انا هستني عيد حب علشان اقول للي بحبه انا بحبك".

واكمل مصطفي الحب ده شي نابع من داخل الانسان لازم علي يفضل يحب كل اللي حواليه ويحب نفسه الأول.

احمد كمال شاب ثلاثيني متزوج منذ عام قال: قبل ما اعرف زوجتي كان زيه زي اي يوم عادي من ساعة ما عرفتها وانا كل يوم لي كانه عيد حب".

واسترد كمال حديثه مش شرط تجيب هدية بس حسس اللي معاك انك بتحبه كانك جبت ١٠٠هدية.

واختتم احمد حديثه " احنا نقدر نضحك علي الستات بضحكة بكلمة اي حاجة حلوة.