بعد عرض برومو برنامجها.. إيمي تاتو تثير أزمة في الوسط الإعلامي المصري

أثارت إيمي كمال الشهيرة بـ"إيمي تاتو"، حالة من الجدل الشديد علي مواقع التواصل الاجتماعي، فور إعلانها خوض تجربة التقديم التليفزيوني من خلال برنامج "ضي القمر" عبر قناة "الشمس".

السيناريست أيمن سليم مؤلف مسلسلي "حواديت الشانزليزيه" و"دايما عامر"، عبر حسابه بموقع "فيسبوك": "معًا لدعم إيمي تاتو.. واحدة بيجيلها ملايين المشاهدات على أي فيديو أو لايف، تعليقاتها بتتعمل كوميكس وميمز، بتلاقي إشادات وإعجاب من كل اللي حواليها وبقى عندها جمهور على السوشيال ميديا بيتهافتوا على فيديوهاتها وبيروحولها فروع الكوافير بتاعها عشان يقابلوها مخصوص.. إيه اللي يخليها ماتفكرش تشتري هوا وتبقى مذيعة؟ في الميديا مفيش حاجة اسمها فرص.. ولا كان فلان أولى من علان.. مجتش على إيمي تاتو".

وقالت الاعلامية الشابة ندي أباظة: انا عارفه ان كل واحد بياخد رزقو ونصيبو والله مش ببص علي رزق حد بس لما ابقى في المجال الاعلامي من وانا عندي ١٧ سنه ومعايا شهادات خبرة من الميديا سيتي في دبي و قدمت مهرجانات ومؤتمرات كبيره ومعايا بكالريوس إعلام و تقديري عالي و ابقى قاعدة ف بيتي مقضياها انترفيوز و وعود كدابه و تيجي استاذة ايمي تاتو تقدم برنامج ابقى انا و الي زيي نروح نبيع بلح..

فيما قال الاعلامي محمد الدسوقي رشدي عبر صفحته علي موقع فيس بوك: أهل الميديا والصحافة في مصر زعلانين إن السيدة " إيمي تاتو" بقت مذيعة وبتقدم برنامج علي قناة الشمس.. وظني وليس كل الظن إثم، إنه محدش ينفع يزعل من السيدة إيمي تاتو.. هي ملهاش ذنب خالص.

وأضاف قائلا: هل الميديا والمواقع والصحافة نسوا أو تناسوا.. أن السيدة " إيمي تاتو" كانت مجرد واحدة بتعمل فيديوهات بلا معني ولا هدف ولا محتوي، يشاهدها أهل السوشيال ميديا للتنمر والسخرية والتسلية، ثم بدأت وسائل الإعلام التقليدية في متابعة معارك السيدة إيمي والكتابة عنها واستضافتها، وزادوها شهرة ومنحوها ختم الوجود وجعلوها تريند.. بإختصار وصلوها لحد باب الإستديو.

وقام الفنان محمد علي رزق، حيث كتب عبر حسابه بموقع "فيسبوك": "أنسب اسم للبرنامج ده يكون الإيد السندة.. والدعاية تبقى الإيد السندة مع إيمي الجامدة".

وردا على المذيع أحمد سالم الذي كتب عبر "فيسبوك": "طيب هنقول إيه لطلبة وخريجي كليات الإعلام وهم شايفين إيمي تاتو بقت مذيعة؟"، علّقت الفنانة رولين القاسم، قائلة: "عندها كاريزما".

وكانت قناة الشمس قد عرضت البرومو الخاص ببرنامج إيمي تاتو والذي يحمل أسم ضي القمرن ومن عرض البرنامج يوم الأحد الساعة 7:30 مساء.. والإعادة يوم الخميس الساعة 3:00 صباحا.